有位19歲女手足dm我求救：
「Hello！唔好意思呀，我係讀緊書嘅女手足，我經濟上出現問題，交唔到學費。我有返parttime，但呢幾個月都出得去多，積蓄唔夠俾學費。我屋企藍，唔肯幫手交，而老闆又話唔方便提早出糧。學校有得申請資助，但要所有人交咗錢先，批咗先俾返。我上年都申請到，因為有屋企人墊住，但今年就冇屋企人幫。5/12前就要交了，請問你可唔可以幫我？」
我：「好，我問問。」
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-
最近我打好多陌生電話，幫陌生人向另一位陌生人借錢。其實我人生入面，冇乜試過問人借錢，莫講話幫陌生人。原來開口都唔易，每當我打給秘密天使。
我：喂，你好，我係LeoBall。
秘：Hello！LeoBall！有咩幫到手？
我：ummm，打俾你......真係有啲嘢要你幫呀......咁嘅......有個學生，冇錢交學費。
秘：冇問題！幾多？
我：$XXXX
秘：好！
每次嗰份爽快，都係令我好欣慰、好感動。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
然後我覆返女手足，有人捐錢俾佢，佢當然好感激，連聲道謝，亦表明有錢會還返俾秘密天使。
不過，令我最驚訝係，我收到秘密天使嘅msg，係一張鼓勵嘅說話，多謝返女手足俾機會佢去幫忙。
「給年輕的妳，謝謝你給我這個機會幫個小忙。希望妳有個溫暖平安的聖誕，再一次感謝你們令香港變得很美！」
這可能是我見過最美的一張聖誕卡。
當黑警話香港變成一個泯滅人性嘅地方，但我卻看見好多人性嘅光輝。或者呢個就係「這是最壞的時代，亦係最好的時代」嘅例子。
天使，唔應該係羅范椒芬誣衊示威者提供性服務嘅用詞，天使應該係美好嘅代名詞嚟。所以，我命名呢個計劃為「秘密天使」，就係想用一個美好嘅畫面，代替邪念嘅入侵。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-
秘密天使，沒有懷疑，只有信任，只有愛。
#天使波 #秘密天使
Search